íQue casualidade que a única habitación da casa que non ten fiestra cara a rúa é a de Cecilia! Así que nunha parede ten colgado un cadro sobre unha xanela que pintou o seu avó. -

An Alfaya presenta neste libro singular, ilustrado por Chus Ferrín, a historia dunha cuncha de nácara afundida no areal da illa do Esquecemento, un anaco de terra virxe perdido na inmensidade do océano Ausente. A metade do seu corpo vivía entre os pequenos grans de rocha esparexidos pola praia, e a outra albiscaba a liña do horizonte, ao lonxe coma unha raíña sentada nun trono privilexiado. Unha madrugada desatouse unha batalla entolecida, provocada polo tornado Augavento, entre un navío e as ondas. Tras o naufraxio, Buguina agardaba a presencia dalgún supervivente, botaba en falta a presencia de alguén que a arrincase da area, permitindo que a parte inferior da súa cuncha recibise o bico do sol, agardaba a alguén que arrimase os seus beizos á porta aberta do seu corpo de nácara e soprase polo seu funil convertido en bucina, e servise de alerta aos navegantes que cruzan a inmensidade do océano Ausente.Buguina namorada é un fermoso texto narrativo, enchido de referencias a mitoloxía clásica do mar, onde An Alfaya aborda o encontro entre unha buguina e un náufrago: dúas soidades na illa do Esquecemento das que, despois de pelexar pola vida, agroma a estrela da esperanza. Unha narración mitolóxica dirixida a públicos de todas as idades.

Nadia, unha adolescente tímida e con problemas familiares, vive o espertar do seu primeiro amor. O que está a sentir por Manel abre a súa personalidade, que deixa de ser a dun cero escuro, a cifra á marxe coa que ninguén conta. A carón da maduración persoal vai a amizade que sente por Aurora, Luigi, Ernesto e outros membros do grupo de teatro. Xuntos salvarán a Aurora duns delincuentes que se aproveitan das ilusión dos máis novos cos máis baixos obxectivos. -

Crispín sempre foi un namorado da fotografía, quixo ser retratista de profesión. Crispín semella un vello furón, axexando a súa veciña, Eleanora, por enriba do balcón coa súa cámara fotográfica, poñendo en perigo a súa vida, esquecendo que xa non é ningún rapaz, senón un xubilado na costa dos setenta. Dende hai uns meses Crispín leva cabilado dabondo na identidade de Gloria;. primeiro pensaba que se trataba da neta de Eleanora, polo xeito de falar con ela, pero axiña muda de opinión e ocorréuselle pensar que se refería a unha mascota. ¿Quen será Gloria en realidade?.A encontadora de An Alfaya aborda un tema pouco tratado na literatura infantil galega, unha historia de amor entre persoas maiosres, onde asoman uns personaxes que recenden a nube de azucre de feira, ateigada de sentimentos tenros, alleos ás barreiras de idade.

Un día Max pérdese na vila na que veranea cos seus pais. Vén dar cunha estraña tenda de antigüidades cun dono aínda máis estraño, chamado Wensel. ¿Que se pode pensar dun sitio cun cartel que di Non se admiten nenos, nin animais, nin curiosos? Max consegue entrar sen ser visto e presencia unha enigmática conversa entre Wensel e un home alto e enxoito de nome Ulises. Finalmente os dous quedan durmidos e Max inicia unha exploración na que xa non sabe se é realidade ou soño o que vai descubrindo.

INFANTIL E XUVENIL-FÓRA DE XOGO-.